صبح و شام درود شریف پڑھنا

عن أبي الدرداء رضي الله عنه قال: قال رسول الله صلى الله عليه وسلم: من صلى علي حين يصبح عشرا وحين يمسي عشرا أدركته شفاعتي يوم القيامة (رواه الطبراني بإسنادين وإسناد أحدهما جيد ورجاله وثقوا كذا في مجمع الزوائد، الرقم: ١٧٠٢٢)

حضرت ابو درداء رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا کہ جو شخص مجھ پر صبح و شام دس دس مرتبہ درود بھیجے، وہ قیامت کے دن میری شفاعت کا حق دار ہوگا۔

پل صراط پر مدد

حضرت عبد الرحمٰن بن سمرہ رضی الله عنہ فرماتے ہیں کہ ایک مرتبہ حضور صلی الله علیہ وسلم (گھر سے) باہر تشریف لائے اور فرمایا کہ میں نے رات ایک عجیب منظر دیکھا کہ ایک شخص ہے وہ پل صراط کے اوپر کبھی تو گھسٹ کر چلتا ہے، کبھی گھٹنوں کے بل چلتا ہے، کبھی کسی چیز میں اٹک جاتا ہے۔

اتنے میں مجھ پر درود پڑھنا اس شخص کا پہنچا اور اس نے اس شخص کو کھڑا کر دیا؛ یہاں تک کہ وہ پل صراط سے گذر گیا۔ (فضائل درود، ص ۱۶۲)

يَا رَبِّ صَلِّ وَ سَلِّم دَائِمًا أَبَدًا عَلَى حَبِيبِكَ خَيرِ الْخَلْقِ كُلِّهِمِ

 Source: http://ihyaauddeen.co.za/?p=4709  , http://ihyaauddeen.co.za/?p=4742