دس درجوں کی بلندی

عن أنس بن مالك رضي الله عنه قال: قال رسول الله صلى الله عليه وسلم: من صلى علي صلاة واحدة صلى الله عليه عشر صلوات وحطت عنه عشر خطيئات ورفعت له عشر درجات (سنن النسائي، الرقم: 1297، وسنده حسن كما في المطالب العالية 13/785)

حضرت انس بن مالک رضی اللہ عنہ سے مروی ہے کہ رسول اللہ صلی اللہ علیہ وسلم نے ارشاد فرمایا کہ جو شخص مجھ پر ایک بار درود بھیجتا ہے، اللہ تعالیٰ اس پر دس درود (رحمتیں) بھیجتے ہیں اور اس کے دس گناہ معاف کیے جاتے ہیں اور اس کے دس درجات بلند کیے جاتے ہیں۔

حضرت ابراہیم بن خواص رحمۃ اللہ علیہ کا واقعہ

نزھۃ البساتین میں حضرت ابراہیم خواص رحمہ اللہ سے نقل کیا ہے۔ وہ فرماتے ہیں کہ ایک مرتبہ مجھ کو سفر میں پیاس معلوم ہوئی اور شدّتِ پیاس سے بے ہوش ہو کر گر پڑا۔

کسی نے میرے منھ پر پانی چھڑکا۔ میں نے آنکھیں کھولیں، تو ایک مردِ حسین خوب رو کو گھوڑے پر سوار دیکھا، اس نے مجھ کو پانی پلایا اور کہا: میرے ساتھ رہو۔

تھوڑی ہی دیر گزری تھی کہ اس جوان نے مجھ سے کہا: تم کیا دیکھتے ہو۔ میں نے کہا: یہ مدینہ ہے۔

اس نے کہا اُتر جاؤ، میرا سَلام حضرت رسولِ خدا صلی اللہ علیہ وسلم سے کہنا اور عرض کرنا: آپ کا بھائی خضر آپ کو سلام کہتا ہے۔ (فضائلِ درود، ص ۱۸۷)

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الْخَلْقِ كُلِّهِمِ

Source: