હઝરત અબુ-‘ઉબૈદહ રદ઼િય અલ્લાહુ અન્હુ પર હઝરત ‘ઉમર રદ઼િય અલ્લાહુ અન્હુનો ભરોસો

عيّن سيدنا عمر رضي الله عنه قبل موته ستة من الصحابة الكرام رضي الله عنهم وأمرهم باختيار الخليفة من بينهم، وقال حينئذ: ولو كان أبو عبيدة حيا لاستخلفته (على المسلمين) (تفسير ابن كثير ٨/٥٤)

હઝરત ‘ઉમર રદ઼િય અલ્લાહુ અન્હુએ તેમના ઇન્તિકાલ પહેલા છ સહાબા-એ-કિરામ રદ઼િય અલ્લાહુ અન્હુમનું એક જૂથ બનાવ્યું હતું અને તેઓને તેમાંથી જ આગામી ખલીફાનો ઇન્તિખાબ કરવાનો હુકમ આપ્યો હતો.

તે સમયે હઝરત ‘ઉમર રદ઼િય અલ્લાહુ અન્હુ એ ફરમાવ્યું હતું કે જો અબુ-‘ઉબૈદહ રદ઼િય અલ્લાહુ અન્હુ આજે જીવતા હોતે તો હું ચોક્કસપણે તેમને (મુસલમાનોના) ખલીફા બનાવતે.

હઝરત અબૂ-‘ઉબૈદહ રદ઼િય અલ્લાહુ અન્હુ પર હઝરત ‘ઉમર રદ઼િય અલ્લાહુ અન્હુ નો ભરોસો

એક વખત જ્યારે હઝરત ‘ઉમર રદ઼િય અલ્લાહુ અન્હુ મુલ્કે-શામની સરહદ પર પહોંચ્યા ત્યારે તેમને મુલ્કી-શામમાં પ્લેગ ફાટી નીકળ્યાના સમાચાર મળ્યા.

હઝરત ‘ઉમર રદ઼િય અલ્લાહુ અન્હુએ ફરમાવ્યું કે જો મને મૌત આવી જાય અને અબૂ-‘ઉબૈદહ બિન જર્રાહ઼ રદ઼િય અલ્લાહુ અન્હુ હ઼યાત છે તો હું તેમને મારા પછી ખલીફા બનાવીશ.

જો અલ્લાહ ત’આલા મને પૂછશે કે તમે અબૂ-‘ઉબૈદહ રદ઼િય અલ્લાહુ અન્હુને મુસલામાનોના ખલીફા તરીકે શા માટે નિયુક્ત કર્યા? ત્યારે હું અલ્લાહ તઆલાને કહીશ કે મેં તેમને ખલીફા તરીકે નિયુક્ત કર્યા કારણ કે એકવાર મેં રસૂલુલ્લાહ સલ્લલ્લાહુ અલૈહિ વ-સલ્લમને આ ફરમાવતા સાંભળ્યા કે દરેક નબીનો (તેમની ઉમ્મતમાં) એક અમીન હતો અને (મારી ઉમ્મતમાં) મારો ખાસ અમીન અબૂ-‘ઉબૈદહ બિન જર્રાહ઼ રદ઼િય અલ્લાહુ અન્હુ છે.

એક રિવાયતમાં કહેવામાં આવ્યું છે કે હઝરત ‘ઉમર રદ઼િય અલ્લાહુ અન્હુએ તેમના ઇન્તિકાલ પહેલા છ સહાબા-એ-કિરામ રદ઼િય અલ્લાહુ અન્હુમનું એક જૂથ બનાવ્યું હતું અને તેઓને તેમાંથી જ આગામી ખલીફાનો ઇન્તિખાબ કરવાનો આદેશ આપ્યો હતો.

તે સમયે હઝરત ‘ઉમર રદ઼િય અલ્લાહુ અન્હુ એ ફરમાવ્યું હતું કે જો અબૂ-ઉબૈદહ રદ઼િય અલ્લાહુ અન્હુ આજે હ઼યાત (જીવતા) હોતે તો હું ચોક્કસપણે તેમને ખલીફા બનાવતે.
(ખલીફા = આપ સલ્લલ્લાહુ અલૈહિ વ-સલ્લમ નો પ્રતિનિધિ,કાઇમ-મકામ,નાયબ)