દુરૂદે-ઇબ્રાહીમ

عن كعب بن عجرة، قال: لما نزلت: إن الله وملائكته يصلون على النبي الآية، قلنا: يا رسول الله، قد ‏علمنا السلام عليك، فكيف الصلاة؟ قال: ” قولوا: اللهم صل على محمد وعلى آل محمد كما صليت ‏على إبراهيم وعلى آل إبراهيم إنك حميد مجيد وبارك على محمد وعلى آل محمد، كما باركت على إبراهيم، ‏وعلى آل إبراهيم، إنك حميد مجيد (مسند ابن أبي شيبة، الرقم: ۵٠۵)

હઝરત કઅબ બિન ઉજરા રદ઼િય અલ્લાહુ અન્હૂ ફરમાવે છે કે જ્યારે નીચે આપેલી આયતે-શરીફા નાઝિલ થઈઃ

إِنَّ الله وَمَلئِٰكَتَهُ يُصَلُّوْنَ عَلٰى النِّبِيِّ يٰأَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا

બેશક અલ્લાહ અને તેમના ફરિશ્તાઓ નબી (સલ્લલ્લાહુ અલૈહી વ-સલ્લમ) પર દુરૂદ મોકલે છે. (મતલબ કે અલ્લાહ તઆલા નબી સલ્લલ્લાહુ અલૈહી વ-સલ્લમ પર રહ઼મત નાઝિલ ફરમાવે છે અને ફરિશ્તાઓ નબી સલ્લલ્લાહુ અલૈહી વ-સલ્લમના માટે દુઆ માંગે છે.) હે ઈમાન વાળાઓ ! તમે પણ દુરૂદ મોકલો અને ખૂબ સલામ મોકલા કરો.

તો સહાબા-એ-કિરામ રદ઼િય અલ્લાહુ અન્હુમે રસૂલુલ્લાહ સલ્લલ્લાહુ અલૈહી વ-સલ્લમને વિનંતી કરી: હે અલ્લાહના રસૂલ! અમે તમારા પર સલામ મોકલવાનું તો જાણીએ છીએ (કારણ કે તમે અમને નમાઝના તશહ્હુદમાં તમારા પર સલામ કેવી રીતે મોકલવું તે શીખવ્યું છે), પરંતુ અમે જાણવા માંગીએ છીએ કે તમારા પર દુરૂદો-સલાત કેવી રીતે મોકલવુ? (કારણ કે અલ્લાહે કુરાન-મજીદ ની આ આયતમાં અમને તમારા પર દુરૂદો-સલાત મોકલવાનો આદેશ આપ્યો છે). તો મુહમ્મદ સલ્લલ્લાહુ અલૈહી વ-સલ્લમે ફરમાવ્યું: આ પઢા કરો:

اَللّٰهُمَّ صَلِّ عَلٰى مُحَمَّدٍ وَعَلٰى آلِ مُحَمَّدٍ كَمَا صَلَّيْتَ عَلٰى إِبْرَاهِيْمَ وَعَلٰى آلِ إِبْرَاهِيْمَ إِنَّكَ حَمِيْدٌ مَجِيْدٌ وَبَارِكْ عَلٰى مُحَمَّدٍ وَعَلٰى آلِ مُحَمَّدٍ كَمَا بَارَكْتَ عَلٰى إِبْرَاهِيْمَ وَعَلٰى آلِ إِبْرَاهِيْمَ إِنَّكَ حَمِيْدٌ مَجِيْدٌ

હે અલ્લાહ ! દુરૂદ ભેજ, હઝરત મુહમ્મદ (સલ્લલ્લાહુ અલૈહી વ-સલ્લમ) પર અને તેમની આલ (ઔલાદ) પર, જેવી રીતે કે તમે દુરૂદ મોકલ્યું હઝરત ઈબ્રાહીમ (અલૈહિસ્સલામ) પર અને તેમની આલ (ઔલાદ) પર, હે અલ્લાહ ! બેશક તમો તારીફના કાબિલ અને બુઝુર્ગવાર છો.

અને બરકત નાઝિલ ફરમા, હઝરત મુહમ્મદ (સલ્લલ્લાહુ અલૈહી વ-સલ્લમ) પર અને તેમની આલ (ઔલાદ) પર, જેવી રીતે કે બરકત નાઝિલ ફરમાવી તમે હઝરત ઈબ્રાહીમ (‘અલૈહિસ્સલામ) પર અને તેમની આલ (ઔલાદ) પર. બેશક તમો તારીફના કાબિલ અને બુઝુર્ગવાર છો.

હઝરત વાઈલ બિન હુજર રદ઼િય અલ્લાહુ અન્હૂનું ઝુબાબના શબ્દથી વાળ કપાવી નાંખવુ

હઝરત વાઈલ બિન હુજર રદ઼િય અલ્લાહુ અન્હૂ કહે છે કે હું એક વખત મુહ઼મ્મદ સલ્લલ્લાહુ અલૈહી વ-સલ્લમ ની ખિદમતમાં હાજર થયો. મારા માંથાના વાળ ઘણા વધી ગયેલ હતા. હું હુઝૂર સલ્લલ્લાહુ અલૈહી વ-સલ્લમ ની સામે આવ્યો તો હુઝૂર સલ્લલ્લાહુ અલૈહી વ-સલ્લમે ઈરશાદ ફરમાવ્યું કે “ઝુબાબ, ઝુબાબ”. હું આ સમજ્યો કે મારા બાલો વિશે ઈર્શાદ ફરમાવ્યું. હું પાછો ઘરે ગયો અને બાલોને કપાવી નાંખ્યા.

જ્યારે બીજા દિવસે હુઝૂર સલ્લલ્લાહુ અલૈહી વ-સલ્લમની ખિદમતમાં હાજર થયો, તો ઈર્શાદ ફરમાવ્યું કે “મેં તમને નઈ ક્હ્યું હતુ (કે તમે તમારા વાળ કપાવી નાંખો) પણ આ સારુ કામ કર્યુ તમે. (સુનને અબી દાવુદ)

નોટઃ હઝરત વાઈલ બિન હુજર રદ઼િય અલ્લાહુ અન્હૂ નો આ અમલ નબી-એ-કરીમ સલ્લલ્લાહુ અલૈહી વ-સલ્લમના માટે તેમના દિલમાં સાચી મોહબ્બતની નિશાની છે. તેમના દિલમાં જેવો જ આ ખ્યાલ આવ્યો કે આપ સલ્લલ્લાહુ અલૈહી વ-સલ્લમે તેમના લાંબા વાળને જોઈને નારાજગી વ્યક્ત કરી, તો તેમણે તરતજ પોતાના વાળ કપાવી નાંખ્યા.

આનાથી સારી રીતે અંદાજો લગાવી શકાય છે કે તેમના દિલમાં નબી-એ-કરીમ સલ્લલ્લાહુ અલૈહી વ-સલ્લમની કેટલી વધારે મોહબ્બત હતી કે ખાલી આપ સલ્લલ્લાહુ અલૈહી વ-સલ્લમની નારાજગીના વિચાર થી બેચેન થઈ ગયા, તો શું આ વાત શક્ય છે કે તેઓ આપ સલ્લલ્લાહુ અલૈહી વ-સલ્લમની નાફરમાની કરે કે પછી નબી-એ-કરીમ સલ્લલ્લાહુ અલૈહી વ-સલ્લમની સુન્નતના ખિલાફ કોઈ અમલ કરે?

વધારે પ્રમાણમાં દુરૂદ શરીફ પઢવાની બરકત

હઝરત સઅદ ઝનજાનીએ (અલ્લાહ એમના પર રહમ કરે) એક વખતે આ વાકિઓ બયાન કર્યો કે, મિસર માં અબૂ સઈદ ખય્યાત નામનો એક ઝાહિદ(પરહેઝગાર) માણસ હતો. તેવણ લોકો ની સાથે મેલ-મિલાપ રાખતા ન હતા. અને લોકોની મજલિસો માં હાજરી આપતા ન હતા(એકાંતમાં રેહવાનુ પસંદ કરતા હતા).

થોડા દિવસો પછી લોકોએ જોયું કે તેઓ પાબંદીથી ઈબ્ને રશીક (અલ્લાહ એમના પર રહમ કરે) ની મજલિસ માં હાજરી આપી રહ્યા છે, તો લોકોએ તેવણને આશ્ચર્યથી પુછ્યું કે શું માજરો છે?

તેવણે જવાબ આપ્યો કે, “મેં સ્વપ્નમાં રસૂલુલ્લાહ (સલ્લલ્લાહુ અલયહિ વસલ્લમ) ની ઝિયારત કરી, તો આપ (સલ્લલ્લાહુ અલયહિ વસલ્લમે) મને ફરમાવ્યુ, ઈબ્ને રશીક ની મજલિસ માં શરીક થાઓ, કારણકે તેઓ મારા ઊપર વધારે પ્રમાણમાં દુરૂદ મોકલે છે. (કવલુલ બદીઅ, પેજ નંબર: ૧૩૧)

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الخَلْقِ كُلِّهِمِ

Source: