દસ દરજાની બુલંદી

عن أنس بن مالك رضي الله عنه قال: قال رسول الله صلى الله عليه وسلم: من صلى علي صلاة واحدة صلى الله عليه عشر صلوات وحطت عنه عشر خطيئات ورفعت له عشر درجات (سنن النسائي، الرقم: 1297، وسنده حسن كما في المطالب العالية 13/785)

હઝરત અનસ બિન-માલિક (રદ઼િયલ્લાહુ અન્હુ) થી રિવાયત છે કે હઝરત રસૂલુલ્લાહ સલ્લલ્લાહુ અલૈહિ વ-સલ્લમે ઈર્શાદ ફરમાવ્યું કે “જે માણસ મારા ઉપર એક વખત દુરૂદ મોકલે છે, અલ્લાહ તઆલા તેના પર દસ દુરૂદ (રહમતો) મોકલે છે અને તેના દસ ગુનાહ માફ કરવામાં આવે છે અને તેના દસ દરજાત બુલંદ કરવામાં આવે છે.”

હઝરત ઈબ્રાહીમ ખવાસ (રહ.) નો વાકિઓ

નુઝહતુલ બસાતીનમાં હઝરત ઈબ્રાહીમ ખવાસ (રહ.) થી નકલ કર્યુ છે તેવણ ફરમાવે છે કે એક વખત મને સફરમાં તરસ લાગી અને ઘણી તરસનાં કારણે બેભાન થઈને પડી ગયો. કોઈએ મારા મોઢાં પર પાણી છાંટ્યુ.

મેં આંખો ખોલી તો એક હસીન સુંદર માણસને ઘોડા પર સવાર જોયો, તેવણે મને પાણી પીવડાવ્યુ અને કહ્યુ મારી સાથે રહો. થોડીજ વાર થઈ હતી કે તે જવાને મને કહ્યુ તેમ શું જોઈ રહ્યા છો. મેં કહ્યુ આ મદીના છે.

તેવણે કહ્યુ ઉતરી જાવો, મારા સલામ હઝરત રસૂલે ખુદા સલ્લલ્લાહુ અલયહિ વસલ્લમ ને કહેજો અને અરજ કરજો તમારા ભાઈ ખિઝરે (અલૈ.) તમને સલામ કહ્યા છે. (ફઝાઈલે દુરૂદ, પેજ નં-૧૮૭)

બગૈર ઝિયારત ચૈન ન આના

એક સહાબી (રદ઼િયલ્લાહુ અન્હુ) હુઝૂર (સલ્લલ્લાહુ અલૈહિ વ-સલ્લમ) ની ખિદમતમાં હાજર થયા અને અરજ કરી:

તમારી મુહબ્બત મારી અંદર મારી પોતાની જાત, માલ અને ઘરવાળાઓ કરતા પણ વધુ છે.

હું મારા ઘરે હઉં અને તમારી યાદ આવી જાય, તો મને સુકૂન મળતુ નથી જ્યાં સુધી આવીને તમારી ઝિયારત ન કરી લઉં.

મને આ વાતની ફિકર છે કે મોત તો મને પણ આવશે અને તમને પણ. તે પછી તમે તો નબીઓના ઉંચા દરજ્જા પર ચાલ્યા જશો, તો મને ડર છે કે પછી હું તમને જોઈ શકીશ નહીં.

આ વાત પર હુઝૂર (સલ્લલ્લાહુ અલૈહિ વ-સલ્લમ) ખામોશ રહ્યા. ત્યારે હઝરત જિબ્રીલ (અલૈહિસ્સલામ) તશરીફ લાવ્યા અને નીચેની આયત પઢ્યા:

وَمَن يُطِعِ اللَّهَ وَالرَّسُولَ فَأُولَٰئِكَ مَعَ الَّذِينَ أَنْعَمَ اللَّهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ ۚ وَحَسُنَ أُولَٰئِكَ رَفِيقًا ‎﴿٦٩﴾‏ ذَٰلِكَ الْفَضْلُ مِنَ اللَّهِ ۚ وَكَفَىٰ بِاللَّهِ عَلِيمًا ‎﴿٧٠﴾

અને જે કોઈ અલ્લાહ અને તેના રસૂલનું કહેલું માનનાર પણ જન્નતમાં તે હઝરતો સાથે રહેશે જેમના પર અલ્લાહ ખાસ મહેરબાન થયા- યાની નબીઓ, સિદ્દીકો, શહીદો અને નેક-સાલેહ લોકો. આ હઝરાત સારા જીવલગ સાથી છે. અને આ અલ્લાહનો ફઝલ છે, અને અલ્લાહ જાણનાર કાફી છે.

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الخَلْقِ كُلِّهِمِ

Source: