رسول اللہ صلی اللہ علیہ وسلم کو درود پہنچانے والا فرشتہ

عن عمار بن ياسر رضي الله عنه قال: قال رسول الله صلى الله عليه وسلم: إن لله ملكا أعطاه أسماع الخلائق، فهو قائم على قبري إذا مت فليس أحد يصلي علي صلاة إلا قال: يا محمد صلى عليك فلان ابن فلان قال: فيصلي الرب تبارك وتعالى على ذلك الرجل بكل واحدة عشرا (رواه الطبراني، ونعيم بن ضمضم ضعيف وابن الحميري اسمه عمران قال البخاري: لا يتابع على حديثه وقال صاحب الميزان: لا يعرف وبقية رجاله رجال الصحيح كذا في مجمع الزوائد، الرقم: 17292)

حضرت عمّار بن یاسر رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا کہ بے شک اللہ تعالیٰ کے ایک فرشتہ ہے، جس کو اللہ تعالیٰ نے ساری مخلوق کی آواز سننے کی قوت عطا کی ہے۔ وہ فرشتہ میری قبر پر کھڑا رہےگا، جب سے میرا انتقال ہو جائےگا اور جب بھی کوئی بھی مجھ پر درود بھیجےگا، تو وہ فرشتہ مجھ سے کہےگا۔ اے محمد صلی الله علیہ وسلم! فلاں ابن فلاں نے آپ پر درود بھیجا ہے، پھر اللہ تبارک وتعالیٰ اس آدمی پر ہر درود کے بدلہ دس درود بھیجیں گے (یعنی اس پر دس رحمتیں نازل فرمائیں گے)۔

مسلسل درود شریف پڑھنا

ایک بزرگ نے خواب میں ایک بہت ہی بد ہیئت صورت دیکھی۔ انہوں نے اس سے پوچھا: تُو کیا بَلا ہے؟ اس نے کہا: میں تیرے برے عمل ہوں۔ انہوں نے پوچھا: تجھ سے نجات کی کیا صورت ہے؟ اس نے کہا: حضرتِ مصطفٰے محمد صلی اللہ علیہ وسلم پر درود شریف کی کثرت۔ (فضائلِ درود، ص۱۶۰)

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الْخَلْقِ كُلِّهِمِ

 Source: http://whatisislam.co.za/index.php/durood/item/551-the-angel-that-conveys-durood-to-rasulullah-sallallahu-alaihi-wasallam

http://ihyaauddeen.co.za/?p=4665

Check Also

درود شریف قیامت کے دن نور کا باعث

حضرت عبد اللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا کہ مجھ پر درود بھیج کر اپنی مجلسوں کو مزیّن کرو، کیوں کہ تمہارا درود تمہارے لیے بروزِ قیامت نور کاباعث بنےگا...