اللہ تعالیٰ کی بے پایاں رحمتیں

عن ابن عمر وأبي هريرة رضي الله عنهم قالا: قال رسول الله صلى الله عليه وسلم: صلوا علي صلى الله عليكم (الكامل لابن عدي، الرقم: ۱۱٠۸٦، وإسناده ضعيف كما في التيسير للمناوي ۲/۹۳)

حضرت عبد اللہ بن عمر رضی اللہ عنہما اور حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا کہ مجھ پر درود بھیجو، اللہ تعالیٰ تم پر درود (رحمتیں) بھیجیں گے۔

روزانہ درود شریف لکھنے والے کا واقعہ

شیخ الحدیث حضرت مولانا محمد زکریّا رحمہ اللہ ایک مرتبہ فرمایا:

ایک معتمد دوست نے راقم سے ایک خوشنویسِ لکھنؤ کی حکایت بیان کی، ان کی عادت تھی کہ جب صبح کے وقت کتابت شروع کرتے، تو اوّل ایک بار درود شریف ایک بیاض پر جو اسی غرض سے بنائی تھی لِکھ لیتے، اس کے بعد کام شروع کرتے۔

جب ان کے انتقال کا وقت آیا، تو غلبۂ فکرِ آخرت سے خوف زدہ ہو کر کہنے لگے کہ دیکھئے، وہاں جا کر کیا ہوتا ہے؟ ایک مجذوب آ نکلے اور کہنے لگے: بابا کیوں گھبراتا ہے، وہ بیاض سرکار صلی اللہ علیہ وسلم میں پیش ہے اور اُس پر صاد بن رہے ہیں (قبول ہو رہے ہیں)۔ (فضائل درود،ص۱۵۳)

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الْخَلْقِ كُلِّهِمِ

Source: https://ihyaauddeen.co.za/?p=15977 , http://ihyaauddeen.co.za/?p=15716

Check Also

درود شریف پڑھنے والے کے لیے نبی صلی اللہ علیہ وسلم کی شفاعت

عن أبي هريرة عن النبي صلى الله عليه وسلم قال من قال اللهم صل على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على إبراهيم وعلى آل إبراهيم وترحم على محمد وعلى آل محمد كما ترحمت على إبراهيم وعلى آل إبراهيم شهدت له يوم القيامة بشهادة وشفعت له بشفاعة أخرجه البخاري في الأدب المفرد وأبو جعفر الطبري في تهذيبه والعقيلي...