બેદરકારીના સ્થળોએ દુરુદ શરીફ પઢવુ

عن أبي وائل قال : ما شهد عبد الله مجمعا ولا مأدبة فيقوم حتى يحمد الله ويصلي على النبي صلى الله عليه وسلم وإن كان مما يتبع أغفل مكان في السوق فيجلس فيه فيحمد الله ويصلي على النبي صلى الله عليه وسلم (المصنف لابن أبي شيبة، الرقم: ۳٠٤۲۹، ورواته ثقات)

હઝરત અબુ વાઈલ (રદિ.) ફરમાવે છે કે “હઝરત અબ્દુલ્લાહ બિન મસઊદ (રદિ.) જ્યારે પણ કોઈ મજલિસ(સભા) અથવા દઅવતમાં ભાગ લેતા, તો ત્યાંથી ઉઠવા પેહલા અલ્લાહ તઆલાની હમ્દ(વખાણ) કરતા અને નબીએ કરીમ (સલ્લલ્લાહુ અલયહિ વસલ્લમ) પર દુરૂદ મોકલતા. અહિંયા સુઘી કે અગર તેઓ બજાર પણ જાતા જ્યાં(સામાન્ય રીતે) લોકો અલ્લાહ તઆલાનાં ઝિકરથી બેઘ્યાન (ગાફિલ) રહે છે, તો ત્યાં બેસતા અને અલ્લાહ તઆલાની હમ્દો ષના (વખાણ અને પ્રશંસા) કરતા અને નબીએ કરીમ (સલ્લલ્લાહુ અલયહિ વસલ્લમ) પર દુરૂદ મોકલતા.”

દુરૂદ શરીફની બરકતથી રસૂલે કરીમ (સલ્લલ્લાહુ અલયહિ વસલ્લમ)નાં વિશેષ નઝદીકીની પ્રાપ્તી

હઝરત કાઝી ઈયાઝ (રહ.) પોતાનાં જમાનાનાં પ્રખ્યાત મુહદ્દિષ હતા. તેવણે નબીએ કરીમ (સલ્લલ્લાહુ અલયહિ વસલ્લમ)નાં અધિકારો અને દુરૂદ શરીફનાં ફઝાઈલ પર એક કિતાબ લખી છે. જેનું નામ “અશ શિફા બિતઅરીફી હુકૂકિલ મુસ્તફા” છે.

હઝરત કાઝી ઈયાઝ (રહ.) નાં વિષે એક વાકિયો લખેલો છે કે એમનો ભત્રીજાએ એક વખત સપનામાં જોયુ કે તેમના ચાચા હઝરત કાઝી ઈયાઝ (રહ.) નબીએ કરીમ (સલ્લલ્લાહુ અલયહિ વસલ્લમ)ની સાથે સોનાનાં સિંહાસન(તખ્ત) પર બેસેલા છે. જ્યારે તેવણે પોતાનાં ચાચાનો આ મહાન સ્થાન અને નબીએ કરીમ (સલ્લલ્લાહુ અલયહિ વસલ્લમ)ની સાથે તેમનો વિશેષ નિકટતા જોઈ તો તેવણને ઘણો આશ્ચર્ય થયો.

જ્યારે કાઝી ઈયાઝ (રહ.) ને પોતાના ભત્રીજાનાં સપનાનાં વિષે ખબર પડી અને આ પણ ખબર પડી કે તેવણને ઘણો આશ્ચર્ય થયો છે, તો તેવણે તેને સંબોઘીને ફરમાવ્યુઃ “હે મારા ભત્રીજા ! મારી કિતાબ “અશ શિફા બિતઅરીફી હુકૂકિલ મુસ્તફા”ને મજબૂતીથી પકડી લો અને તેને અલ્લાહ તઆલાનાં નઝદીક મકબૂલિયત હાસિલ કરવાનો ઝરીઓ બનાવો.”

આ તરીકાથી કાઝી ઈયાઝ (રહ.) પોતાનાં ભત્રીજાનાં સામે સ્પષ્ટ કરી દીઘુ કે નબીએ કરીમ (સલ્લલ્લાહુ અલયહિ વસલ્લમ)ની વિશેષ નિકટતા હાસિલ કરવાનો ઝરીઓ મારી કિતાબ હતી, કારણકે આ કિતાબ નબીએ કરીમ (સલ્લલ્લાહુ અલયહિ વસલ્લમ) થી મોહબ્બતનાં વાકિઆતથી ભરેલી છે. (બુસ્તાનુલ મુહદ્દિષીન)

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الخَلْقِ كُلِّهِمِ