અલ્લાહ તઆલાની બેપનાહ રહમતો

عن ابن عمر وأبي هريرة رضي الله عنهم قالا: قال رسول الله صلى الله عليه وسلم: صلوا علي صلى الله عليكم (الكامل لابن عدي، الرقم: ۱۱٠۸٦، وإسناده ضعيف كما في التيسير للمناوي ۲/۹۳)

હઝરત અબ્દુલ્લાહ બિન ઉમર રદિ અલ્લાહુ ‘અન્હુમા અને હઝરત અબૂ હુરૈરહ રદિ અલ્લાહુ ‘અન્હુ થી રિવાયત છે કે રસૂલુલ્લાહ સલ્લલ્લાહુ અલયહિ વસલ્લમે ઈરશાદ ફરમાવ્યુ કે મારા પર દુરૂદ મોકલો, અલ્લાહ ત’આલા તમારા પર દુરૂદ (રહમતોં) મોકલશે.

દરરોજ દુરૂદ શરીફ લખવાવાળાનો વાકિઓ

શૈખુલ હદીષ હઝરત મૌલાના મુહમંદ ઝકરિય્યા (રહ.) એક વખત ફરમાવ્યુઃ

એક ભરોસેમંદ દોસ્તે મને એક લખનવનાં ખુશ-નવીસ (સારા અક્ષર વાળો જે લખવાનું કામ કરતો હોય) નો કિસ્સો બયાન કર્યો, તેમની આદત હતી કે જ્યારે સવારનાં સમયે કિતાબત (લખવાનું) શરૂ કરતા તો પેહલા એક વખત દુરૂદ શરીફ એક બયાઝ (કાગળનાં ખાસ પરચાવો) પર જે તે મકસદથી બનાવી હતી લખી લેતા. ત્યાર બાદ કામ શરૂ કરતા.

જ્યારે તેમનો ઈન્તેકાલ નો સમય આવ્યો તો આખિરતની ફિકરનાં ગલબાથી ગભરાઈને કહેવા લાગ્યા કે જોવો ત્યાં જઈને, શું થાય છે. એક મજઝૂબ (અલ્લાહ વાળા) આવી નિકળ્યા અને કહેવા લાગ્યા બાબા કેમ ગભરાવો છો, તે બયાઝ સરકાર સલ્લલ્લાહુ અલયહિ વસલ્લમ માં પેશ છે અને તેનાં પર સાદ (ص) બની રહી છે (કબૂલ થઈ રહ્યા છે). (ફઝાઈલે દુરૂદ, પેજ નં-૧૫૩)

નબી એ કરીમ સલ્લલ્લાહુ અલયહિ સલ્લલ્લાહુ અલયહિ વસલ્લમ સાથે દફન થવાની ઈચ્છા

હઝરત ઉમર રદિ અલ્લાહુ અન્હુએ તેમના જીવનની અંતિમ ક્ષણોમાં તેમના પુત્ર હઝરત અબ્દુલ્લા બિન ઉમર રદિ અલ્લાહુ અન્હુમાને હઝરત આયશા રદી અલ્લાહુ અન્હાના ઘરે મોકલ્યા.

હઝરત ઉમર રદી અલ્લાહુ અન્હુએ પોતાના પુત્ર હઝરત અબ્દુલ્લા બિન ઉમર રદી અલ્લાહુ અન્હુમા થી ફરમાવ્યું:

તમે આયશા પાસે જાઓ અને તેમને કહો કે ઉમરે તમારી ખિદમત માં સલામ પૈશ કર્યા છે. એમ ન કહતા કે અમીરુલ મુમીનીને સલામ પૈશ કર્યા છે; કારણ કે હું હવે અમીરુલ મુમીનીન નથી (કારણ કે હું આ દુનિયા થી રુખસત થવાનો છું).

પછી તેમને વિનંતી કરો કે ઉમર બિન ખત્તાબ તમારા મકાન માં તેમના બે સાથીઓ (હઝરત રસૂલ અલ્લાહ સલ્લલ્લાહુ અલયહી વસલ્લમ અને હઝરત અબુ બકર રદિ અલ્લાહુ અન્હુ) સાથે દફન થવાની પરવાનગી માંગે છે.

હઝરત અબ્દુલ્લા બિન ઉમર રદિ અલ્લાહુ અન્હુમા તેમના વાલીદ (પિતા) ના હુકમ મુજબ હઝરત આયશા રદી અલ્લાહુ અન્હાના ઘરે તશરીફ લઈ ગયા.

ત્યાં જઈને તેમણે જોયું કે ઉમ્મુલ મુમીનીન હઝરત આયશા રદિ અલ્લાહુ અન્હા રડી રહ્યા હતા (આ દુ:ખદ ઘટના પર અને તે મોટા નુકસાન પર જે ઉમ્મતને હઝરત ઉમર રદિ અલ્લાહુ અન્હુની વફાત પછી થશે).

હઝરત અબ્દુલ્લા બિન ઉમર રદિઅલ્લાહુ અન્હુમાએ કહ્યું કે ઉમરે તમને સલામ કહ્યા છે અને આ દરખાસ્ત કરી છે કે તમે તેમને તમારા મકાનમાં તેમના બે સાથીઓ સાથે દફનાવવાની ઈજાઝત આપો.

હઝરત ઉમર રદી અલ્લાહુ અન્હુની દરખાસ્ત સાંભળીને હઝરત આયશા રદી અલ્લાહુ અન્હાએ ફરમાવ્યું:

મારી તમન્ના હતી કે હું આ મકાન માં દફન થાવું; (હઝરત રસૂલુલ્લાહ સલ્લલ્લાહુ અલયહિ વસલ્લમ અને મારા વાલીદ (પિતા) હઝરત અબુ બકર રદી અલ્લાહુ અન્હુ ની સાથે) પરંતુ આજે હું ઉમર (રદી અલ્લાહુ અન્હુ)ને પ્રાધાન્ય આપુ છું.

જ્યારે હઝરત અબ્દુલ્લા બિન ઉમર રદિ અલ્લાહુ અન્હુમા પાછા આવ્યા અને હઝરત ઉમર રદિ અલ્લાહુ અન્હુને વિનંતી કરી કે આયશાએ તમને તમારા બે સાથીઓ સાથે તેમના મકાન માં દફનાવવાની ઈજાઝત આપી દીધી છે, ત્યારે હઝરત ઉમર રદિ અલ્લાહુ અન્હુ ધણાં ખુશ થયા.

તે પછી હઝરત ઉમર રદી અલ્લાહુ અન્હુએ તેમના પુત્ર હઝરત અબ્દુલ્લા બિન ઉમર રદી અલ્લાહુ અન્હુમાને કહ્યું:

મારી વફાત પછી, જ્યારે તમે મને દફનવિધિ માટે લઈ જશો, ત્યારે મારા વતી ફરીથી આયશા પાસેથી ઈજાઝત લઈ લેજો. તમે તેમને કહો કે ઉમર તમારા થી તેમના બે સાથીઓ સાથે દફન થવાની ઈજાઝત માંગે છે.

જો તે પરવાનગી આપી દે તો મને ત્યાં દફનાવજો અને જો તે ઈજાઝત ન આપે તો મને આમ મુસલમાનોના કબ્રસ્તાનમાં દફનાવી દો.

يَا رَبِّ صَلِّ وَسَلِّم دَائِمًا أَبَدًا عَلَى حَبِيبِكَ خَيرِ الخَلْقِ كُلِّهِمِ

Source: https://ihyaauddeen.co.za/?p=15977 , http://ihyaauddeen.co.za/?p=15716