રમઝાન મહીનાની સુન્નતોં અને આદાબ – ૧

(૧) રમઝાનથી પહેલાજ રમઝાનની તૈયારી શરૂ કરી દે. કેટલાક બુઝુર્ગા-ને-દીન રમઝાનની તૈયારી રમઝાનના છ મહીના પેહલાથી શરૂ ફરમાવી દેતા હતા.

(૨) રમઝાનની બરકતો અને રહમતોથી પૂરી રીતે ફાયદો ઉઠાવવા માટે માણસે નિઝામુલ-અવકાત (ટાઈમ ટેબલ) બનાવવું જોઈએ.

عن أبي سعيد الخدري رضي الله عنه عن النبي صلى الله عليه وسلم أنه قال: من صام رمضان وعرف حدوده وتحفظ مما ينبغي له أن يتحفظ كفر ما قبله (رواه ابن حبان في صحيحه والبيهقي كما في الترغيب والترهيب، الرقم: ۱٤۷٤)

હઝરત અબૂ-સઈદ ખુદરી રઝ઼િયલ્લાહુ અન્હુથી રિવાયત છે કે રસૂલુલ્લાહ સલ્લલ્લાહુ અલૈહિ વ-સલ્લમે ઈરશાદ ફરમાવ્યું કે જે માણસ રમઝાનુલ-મુબારકના રોઝા રાખે અને તેની હદોને ઓળખે (રમઝાનુલ-મુબારકની હદો, હુકમો અને આદાબને ધ્યાનમાં રાખે) અને જે જે વસ્તુઓથી બચવું જોઈએ, તે બઘાથી તે બચે, તો તેના પાછલા બઘા (સગીરા) ગુનાહો મિટાવી દેવામાં આવશે.

(૩) જો કોઈ ના માથે હુકૂકુ-લ્લાહ (અલ્લાહ તઆલાના હકો) અથવા હુકૂકુલ-ઈબાદ (લોકોના હકો) ની અદાયગી બાકી હોય, (હુકૂકુ-લ્લાહ જેવી રીતે કઝા નમાઝો, કઝા રોઝા અને સદકાતે-વાજીબા વગૈરહ અને હુકૂકુલ-ઈબાદ જેવી રીતે કોઈના પર જુલ્મ કર્યો હોય અથવા કોઈકને તકલીફ પહોંચાડી હોય અથવા કોઈકનો કર્ઝ અથવા દૈન તેના માથે હોય), તો રમઝાન મહીનાના આવવાથી પહેલા તે તમામ કામોને પૂરા કરી દેવામાં આવે અને દરેકના હક અદા કરી દેવામાં આવે.

કોઈના પર જુલ્મ કર્યો હોય અથવા કોઈને તકલીફ પહોંચાડી હોય, તો તેમનાથી માફી માંગી લે, જેથી તમે રમઝાનુલ-મુબારકની બરકતો પૂરી રીતે હાસિલ કરી શકો.

(૪) રમઝાનથી પેહલા પોતાની નફલ ઈબાદતોમાં વધારો કરે અને ઈબાદતનો મામૂલ બનાવે, જેથી રમઝાનુલ-મુબારકમાં તમે વધારેથી વધારે ઈબાદત કરી શકો.

(૫) રમઝાનુલ-મુબારકથી પહેલા ખૂબ ઇસ્તિગ્ફાર કરે અને દુઆઓ પણ કરે. (મને પણ તમારી દુઆઓમાં યાદ રાખજો.)

(૬) જ્યારે રજબનો મહીનો શરૂ થઈ જાય, તો નિચે પ્રમાણેની દુઆ માંગેઃ

اَللّهُمَّ بَارِكْ لَنَا فِيْ رَجَبٍ وَّ شَعْبَان وَبَلِّغْنَا رَمَضَان

હે અલ્લાહ! અમારા માટે રજબ અને શાબાનના મહીનામાં બરકત અતા ફરમાવજો અને અમને રમઝાન સુઘી પહોંચાડજો.

عن أنس رضي الله عنه أنه قال: كان النبي صلى الله عليه و سلم إذا دخل رجب قال: اَللّهُمَّ بَارِكْ لَنَا فِيْ رَجَبٍ وَّشَعْبَانَ وَبَلِّغْنَا رَمَضَان (شعب الايمان، الرقم: ۳۸۱۵)

હઝરત અનસ રઝ઼િયલ્લાહુ અન્હુ ફરમાવે છે કે જ્યારે રજબનો મહીનો શરૂ થતો ,તો નબી સલ્લલ્લાહુ અલૈહિ વ-સલ્લમ આ દુઆ પઢતા હતા:

اَللّهُمَّ بَارِكْ لَنَا فِيْ رَجَبٍ وَّ شَعْبَان وَبَلِّغْنَا رَمَضَان

(૭) રમઝાન શરૂ થવા પછી અને રમઝાનના દરમિયાન નિચે પ્રમાણેની દુઆ માંગેઃ

اَللّهُمَّ سَلِّمْنِيْ لِرَمَضَان وَسَلِّمْ رَمَضَانَ لِيْ وَسَلِّمْهُ لِيْ مُتَقَبَّلًا

ઈલાહી! રમઝાનના મહીના માટે મને સલામત રાખજો અને રમઝાનના મહીનાને મારા માટે સલામત રાખજો અને એને મારા તરફથી કબૂલ ફરમાવજો.

عن عبادة بن الصامت رضي الله عنه قال: كان رسول الله صلى الله عليه وسلم يعلمنا هؤلاء الكلمات إذا جاء رمضان: اللهم سلمني لرمضان وسلم رمضان لي وسلمه لي متقبلا (كنز العمال، الرقم: ۲٤۲۷۷، وقال: رواه الطبرناني في الدعاء والديلمي وسنده حسن)

હઝરત ઉબાદહ બિન સામિત રઝ઼િયલ્લાહુ અન્હુ ફરમાવે છે કે જ્યારે રમઝાનનો મહીનો આવતો, તો રસૂલુલ્લાહ સલ્લલ્લાહુ અલૈહિ વ-સલ્લમ અમોને આ કલિમાત સીખવતા હતા:

اَللّهُمَّ سَلِّمْنِيْ لِرَمَضَان وَ سَلِّمْ رَمَضَانَ لِيْ وَسَلِّمْهُ لِيْ مُتَقَبَّلًا

(૮) રમઝાનના મહિનામાં નફલ નો સવાબ ફર્ઝના બરાબર થઈ જાય છે અને ફર્ઝનો સવાબ સિત્તેર ગણો વધી જાય છે, તેથી રમઝાનના મહિનામાં વધારેથી વધારે નવાફિલનો એહતિમામ કરે અને ફરાઈઝથી ગફલત ન કરે.

عن سلمان رضي الله عنه قال: خطبنا رسول الله صلى الله عليه و سلم في آخر يوم من شعبان … من تقرب فيه بخصلة من الخير كان كمن أدى فريضة فيما سواه ومن أدى فريضة فيه كان كمن أدى سبعين فريضة فيما سواه (الترغيب و الترهيب، الرقم: ۱٤۸۳)

હઝરત સલમાન ફારસી રઝ઼િયલ્લાહુ અન્હુ ફરમાવે છે કે રસૂલુલ્લાહ સલ્લલ્લાહુ અલૈહિ વ-સલ્લમે શાબાનના છેલ્લા દિવસે અમારી સામે ખુત્બો આપ્યો. (આપ સલ્લલ્લાહુ અલૈહિ વ-સલ્લમે આ ખુત્બામાં ઈરશાદ ફરમાવ્યું કે) જે માણસ આ મહિનામાં કોઈ સારૂ (નફલ) કામ કરીને અલ્લાહ તઆલાનો કુર્બ હાસિલ કરે, તો તેને રમઝાનના મહિનાના અલાવામાં બીજા કોઈ મહિનામાં ફર્ઝ અદા કરવા વાળાના બરાબર સવાબ મળે છે અને જો આ મહિનામાં એક ફર્ઝ અદા કરે, તો તેને તે માણસના બરાબર સવાબ મળે છે, જેણે બીજા મહિનાઓમાં સિત્તેર ફરાઈઝ અદા કર્યા.

Source: http://ihyaauddeen.co.za/?p=6546

---