Alislaam.com – اردو हिन्दी ગુજરાતી
شیخ الحدیث حضرت مولانا محمد زکریا رحمہ الله نے ایک مرتبہ ارشاد فرمایا:
تم اپنے وقت کی قدر کر لو، (اعتکاف کی حالت میں) باتیں بلکل نہ کرو، ہم سب کی نیت یہ ہو کہ دنیا میں جتنے دین کے شعبے چل رہے ہیں، سب کو الله جل شانہ پروان چڑھائے۔
مساجد کے لئے، مدارس کے لئے، مراکز کے لئے، جتنی دعائیں کرو گے، اتنی ہی ترقی ہوگی، اتنا ہی آپ کو ثواب ملے گا۔
تمہارا سارے کاموں میں لگنا تو مشکل ہے، ہاں! دعا سے ضرور شرکت ہو سکتی ہے، حضور پاک صلی الله علیہ وسلم کا ارشاد ہے، “إنما الأعمال بالنيات” ایک عمل میں جتنی نیت کر لو گے، سب کا ثواب ملےگا۔ (ملفوظاتِ حضرت شیخ ،ص ١١٩)
